سه‌رۆككۆمارێ تركیێ راگهاند، ئه‌وێ ل ڤێ هاڤینێ ئەولەهیا سینۆرێن خوە یێن ب ئیراقێ رە ب تەمامی کۆنترۆل بکن، ئه‌ڤ گۆتنا ئاردۆغان تێ واته‌یا گه‌فا ده‌ستپێكرنا ئۆپه‌راسیۆنه‌كه به‌رفه‌ره‌هـ یا په‌یاده ل هوندرێ باشوورێ كوردستانێ.
رەجەپ تایییپ ئەردۆگان گۆت، “ئەم دێ ژ هاڤینا ئیسال ڤە ئەولەهیا سینۆرێن خوە یێن ب ئیراقێ رە ب تەمامی کۆنترۆل بکن و تەقەز ئەم دێ خەباتێن خوەیێن کو ل سووریەیێ نەقەدیانە ژی بقەدینن”.
سەرۆکۆمارێ ترکیەیێ ل ئەنقەرەیێ ل گەل وەزیرێ پاراستنێ یێ ترکیەیێ یه‌شار گولەر بەشداری بەرنامەیا فتارێ بوو.
د بەرنامەیا فتارێ دە ئەردۆگان بال کشاند سەر ئەولەهیا سینۆرێن ترکیێ و هەرێما کوردستانێ و گۆت: “دەمەکێ درێژە ترکیە، ل دژی په‌كه‌كێ ئامادەکاریێن ئۆپەراسیۆنێن نوو یێن لەشکەری دکە. ئەولەهیا سینۆرێن مە یێن ب ئیراقێ ره دێ ئیسال هاڤینێ بێن کۆنترۆلکرن”.
ده‌ربارێ سووریێ ژی ئاردۆگان ووسا گۆت”ئەم دێ کارێ خوەیێ كو ل سووریەیێ نیڤه‌رۆ مایە ژی بێ شك دێ ب داوی بکن”.
