وه‌زاره‌تا به‌رگریێ یا تركیێ راگهاند د په‌ڤچوونێن ل گه‌ل چه‌كدارێن په‌كه‌كێ ده، عه‌سكه‌ره‌كی ترك هات كوشتن و 4 ژی بریندار بوونه، ل هێلا دن ژی 6 چه‌كدارێن په‌كه‌كێ هاتنه كوشتن.
وه‌زاره‌تا به‌رگریێ یا تركیێ دوهـ رۆژا چارشه‌می 19\3\2024ێ راگهاند كو ل هه‌رێما ئۆپه‌راسیۆنا په‌نجه كلیتێ ژ ئه‌نجا ئیریشه‌كه په‌كه‌كێ یا ل سه‌ر نوقته‌یێن وان، عه‌سه‌كه‌ركی ترك هات كوشتن، هه‌ر وها 4 بریندار بوون.
ده‌ستنیشان كر، 6 چه‌كدارێن په‌كه‌كێ ژی د ڤێ په‌ڤچوونێ ده هاتنه كوشتن.
ئارتێشا تركیێ جیهێ كو ئه‌ڤ په‌ڤچوون لێ ده‌ركه‌تیه ده‌ستنیشان نه‌كر و ته‌نی گۆت كو ل هه‌رێما ئۆپه‌راسیۆن په‌نجه كلیتێ یه.
ئارتێشا ترکیێ رۆژا 17ێ نیسانا 2022ان د ناڤ ئاخا باشوورێ کوردستانێ دە ل دژی په‌كه‌كێ دەست ب ئۆپەراسیۆنا ب ناڤێ «پەنجە-کلید» کر و ئۆپەراسیۆن هەتا نها بەردەوامە. ئۆپەراسیۆنا «پەنجە-کلید» ناڤچەیێن مەتینا، زاپ و ئاڤاشین-باسیان یێن ل سینۆرێ ناڤچەیا ئامێدیێ ل خوە دگرە.
