فرۆکەیێن شەری یێن ئیسرایلێ ئیرۆ بەربانگێ ئێریشی دەردۆرا شاما پایتەختا سووریێ کرن.
ل گۆری مەدیایا عەرەبی، ئەڤ ئێریشە پشتی وێ ھات کو چەند تۆپ ل گۆلانێ کەتن، ھەڤدەم ژی ھەژمارەک مووشەکەک ژ باشوورێ لوبنانێ ل باکورێ ئیسرایلێ کەتن.
پێشتر ژی ئیسرایلێ بۆ جارا سێیەمین ژ 8 جۆتمەھا بۆری ڤە، باژارێ بەعلبەکێ یا لوبنانی کو ناڤەندا چەکدارێن حزبوللاھێ یە، بۆمبەباران کربوو.
رۆژا 17 ئادارێ ژی، ئسرایلێ دو جھ ل گوندەوارێ شامێ کربوون ئارمانج، کو یەک ژ وان مەخزەنەکا چەکان بوو و ل گۆری رەوانگەھا سووری بۆ مافێن مرۆڤ، د ئێریشێ دە لەشکەرەک بریندار بووبوو.
ژ دەستپێکا شەرێ ئیسرایل و حەماسێ د 7 جۆتمەھا سالا 2023 دە، ئارتێشا ئیسرایلێ چەندین جاران ئێریشی شامێ کر و سەرکردەیێن حەماس، حزبوللاھا لوبنانی و پاسدارێن ئیرانێ کرن ئارمانج.
