رەوانگەھا سووری یا مافێ مرۆڤان ئاشکەرا کر، ل ناڤچەیەکی سووریێ ژ بەر تەقینا مینەکی 11 کەسێن دۆمەلان کۆمدکرن ژیانا خوە ژ دەست دان.
ل گۆر رەوانگەھا سووری ب بەیاننامەیەکی ئاشکەرا کریە، ل دەردۆرا رەقایێ چەند کەسێن ل چۆلێ دۆمەلان کۆمدکرن، مینەک ب وان ڤە تەقیایە و د ئەنجامێ دە 11 کەسان ژیانا خوە ژ دەست دانە و پشتی بوویەرێ ژی چەکدارێن داعشێ ل ھەمان ناڤچەیێ گولـلە ل وان کەسان رێشاندنە کو ل دووڤ کۆمکرنا دۆمەلان دە دگەریان.
بەشەک ژ خەلکێ پارێزگەھێن دێرەزۆر، رەقا، حومس و حەمایێ ب کۆمکرنا دۆمەلانان دەبارا ژیانا خوە دکن و سالانە ھەژمارەک کەس دبنە قوربانیێن مین و بۆمبەیێن چاندی.
