رێخستنا په‌كه‌كێ ل دو رۆژێن رابووری ناسنامه‌یا 3 چه‌كدارێن خوه یێن دن ئیفشا كر كو ئه‌و ژی وه‌كه ب سه‌دان رێهه‌ڤالێن خوه مرنا وان ب سالانه ڤه‌شارتی هشتبوو.
هه‌په‌گێ باسكێ له‌شكه‌ری یێ په‌كه‌كێ رۆژێن 23 و 25 ئادارا ئیسال 2024ێ ناسنامه‌یا 3 چه‌كدارێن خوه دو ژێ ژن ئاشكه‌ره كر كو ل ئادارا 2019ێ، تیرمه‌ها 2022ێ و هه‌ر وها ئادارا 2023ێ ل باشوورێ كوردستانێ كه‌تبوون به‌ر ئێریشێن ده‌وله‌تا ترك و په‌كه‌كێ ژ وێ ده‌مێ ڤه مرنا وان ڤه‌شارتبوو.
ناڤێن وان وسایه:
رێزان شێخمووس ژ ئامه‌دێ.
جانسەل دوورسوون ژ ئاگریێ.
عه‌گید سه‌ردار ژ حه‌سه‌كێ.
په‌كه‌كێ د په‌سنێ ڤان چه‌كدارێن خوه ده دیسا گۆتیه ئه‌و د ئه‌سل ده ئاپۆیی بوون و ژ بۆ كو ئه‌و باشتر فه‌لسه‌فا ئاپۆ فێم بكن ته‌ڤلی رێخستنێ بووبوون، لوما ژی فه‌دایێ ئاپۆ بوون!.
ژ ده‌ستپێكا سالا نوو 2024ێ ڤه، په‌كه‌كێ وه‌كه سالێن به‌رێ هه‌ر رۆژ وێنه‌یێن كۆمێن جوانێن كوردان پارڤه‌دكه، جوانێن كو د به‌رخوه‌دانا خوه یا ساخته ده به‌رێ وان دده مرنێ و مرنا وان ڤه‌شارتی دهێله.
