جەهەپە و دەم پارتی رێکەفتنێ ئینکار دکن لێ پرۆتۆکۆلا رێکەفتنا وان د مەدیایێ دە تێ وەشاندن
ژ رۆژا دەستپێکرنا پێڤاژۆیا ھلبژارتنێن ھەرێمی پێدە ھات ئیدیعا کرن کو جەهەپێ و دەم پارتیێ رێکەفتنا ڤەشارتی ئەنجام دایە. بەرپرسێن جەهەپێ و دەمێ چەندین جڤین کرن و دان خویاکرن کو ئەگەر ل ھەڤ بکن دێ ب زەلالی ڤێ ژ بۆ رایا گشتی ئەشکەرە کن. ھەروەھا تێ زانین کو ھندەک کەسایەتێن دەم پارتیێ ل گەل ئاک پارتیێ ژی ھەڤدیتن کرنە، لێ چ ئەنجام ژێ دەرنەکەت.
بەرپرسێن پەکەکێ د داخویانیێن ژ قەندیلێ دایین داخواز کرن کو دەم وەک ھلبژارتنێن پارلەمەنتۆ و سەرۆککۆماریێ پشگریا جەهەپێ بکە. ھەرکەسەک دزانە کو ھەری داوی بریارا قەندیلە. وەک دن ئاخاڤتنێن د ناڤا دەمێ دە بێ واتە و ڤالە نە.
نھا ژی د مەدیایێ دە پرۆتۆکۆلەکا جەهەپێ و دەمێ ھاتیە ئەشکەرەکرن. لێ ھەردو ئالی ژی رەد دکن کو ئەڤ پرۆتۆکۆلە نەیا وانە و سەختەیە. ئیمزایێن د بن پرۆتۆکۆلێ دە قەبوول ناکن.
د راستیا خوە دە بەربژێرا دەمێ مارەل دانش ل ستانبولێ چ چالاکیەکی ژ بۆ ھلبژارتنا ناکە. دەوسا وێ دە ل باژارێن کوردستانێ دگەرە و ژ بۆ کاندیداتێن دەمێ پرۆپاگاندایێ دکە.
بەرپرسێن دەمێ ل ستانبۆلێ ژ مالباتێن ھەڤالێن خوە رە دبێژن: دەنگەکی بدن دەمێ یێن دن ھەموو دێ بدن ئیمامۆگلو.
فەرمانا قەندیلە، بلا کەسەک دن د ناڤا دەمێ دە دلێ خوە خوەش نەکە. کەسێن کو د ناڤا پەکەکێ دە سەد جارا ھەقارەت ل وان ھاتیە کرن و ئەو سزا داین، ئیرۆ دەردکەڤن قادا و پرۆپاگاندەیا پەکەکێ دکن. ئەو تەنێ خوە دخاپینن، ھێدی خاپاندنا خەلکێ رۆژ ب رۆژ زەحمەت تر دبە…
پرۆتۆکۆلا تێ ئیدیعا کرن کو د ناڤبەرا جەهەپێ و دەمێ دە ھاتی ئیمزەکرن:
