ئیرۆ دانێ ئێڤارێ بانگەشەیا ھلبژارتنێن شارەداریان یا ترکییێ بداوی دبە

 ژ ئیرۆ دەمژمێر 18:00 ڤە ھەر جورە بانگەشە و پرۆپاگاندەیا ھلبژارتنێن شارەداریان یێن ترکییێ بداوی دبن.

ل ترکیێ و باکورێ کوردستانێ سبە 31 ئادارێ ھلبژارتنێن شارەداریان دێ هێن کرن و نێزیکی 61 ملیۆن و 441 ھەزار کەس دێ بچن سەر سندۆقان.

ل گۆری یاسایێن ھلبژارتنێن ترکییێ، تەلەڤیزیۆن و رادیۆ ژ نیڤا شەڤێ پێ ڤە ئێدی نکارن ریکلامێن سیاسی، شیرۆڤە و پێشبینیێن ئەنجامێن ھلبژارتنان و دەنگدانێ بوەشینن.

لێ کۆمسیۆنا ھلبژارتنێ راگھاند، کاندید و پارتیێن سیاسی دکارن داخویانیێن خوە یێن نڤیسکی و ڤیدیۆیی ھەتا ئیرۆ دەمژمێر 18:00 ل گۆری دەما ترکییێ د دەزگەھێن راگھاندنێ یێن ب مۆلەت دە بوەشینن.

ل گۆری یاسایێ، قەدەغەیا بانگەشە و پرۆپاگاندایێ دێ ژ ئیرۆ 30 ئادارێ دەمژمێر 18:00 ھەتا داویا دەنگدانێ بەردەوام بە.

34 پارتیێن سیاسی دکەڤن ھلبژارتنان و ل سەرانسەرێ ترکیێ و باکورێ کوردستانێ ژ بۆ ئەولەھیا ھلبژارتنێ، 594 ھەزار ھێزێن ئاساییشێ، لەشکەر و جەردەڤان ھاتنە ئەرکدارکرن.