ل ترکیەیێ و باكورێ كوردستانێ ژ بۆ هلبژارتنا رێڤەبرێن هەرێمی یێن کو دێ 5 سال سەر وەزیفەیێ بن وەلاتی سبێ دچن سەر سندۆقان.
د هلبژارتنا هەرێمی یا 31ێ ئادارا 2024ان دا، 61 ملیۆن كه‌س دێ ده‌نگێ خوه بدن و ژ بۆی وان 208 هەزار سندۆق هاتنه دانان و 34 پارتیێن سیاسی ته‌ڤلی هلبژارتنێ بوونه.
ل سەمسوور، ئاگری، ئارتڤین، چەولیگ، بەدلیس، دیاربەکر، خارپەت، ئەرزنجان، ئەرزرۆم، دیلۆک، گیرەسوون، گوموشهانە، جۆلەمێرگ، قەرس، مەلەتی، مەرەش، مێردین، مووش، ئۆردو، رزە، سێرت، سێواس، ترابزۆن، دێرسم، رها، وان، بایبورت، ئێلهـ، شرنەخ، ئەردەخان، ئیدر و کلیسێ ڤە د ناڤبەرا دەمژمێر 07:00 – 16.00ان دە دەنگ دێ بێن دایین.
هەروها، ل 49 پارێزگەهێن دن یێن ترکیە و باکورێ کوردستانێ، پرۆسەیا دەنگدانێ ژ دەمژمێر 08.00 هەیا 17.00 هاتیە دیارکرن.
سبە 31ێ ئادارێ هلبژارتنێن شارەدەریان تێن کرن و زێدەتر ژ 61 ملیۆن دەرنگدێر دێ بچن سەر 208 هەزار سندۆقان. ل دیاربەکرێ ژی ملیۆنەک و 147 هەزار و 14 دەنگدێر دێ ل 3 هەزار و 685 سندۆقان دەنگێن خوە بدن.
