ل ترکیێ و باکورێ کوردستانێ ھلبژارتنێن شەراداریا هاتن ئەنجامدان. پارتیا ئۆپۆزسیۆنێ جەهەپێ پشتی 30 سالان جارا یەکەم سەرکەفتنەک مەزن دەستڤە ئانی و پرانیا جھێن کو وەک کەلھا ئاک پارتیێ دھات دیتن ژ دەستێ ئاک پارتیێ دەرخستن.
پشتی ئەنجامێن ھلبژارتنا ئەشکەرە بوو سەرۆکێن پارتیان دەرکەتن و ئاخڤین و نرخاندن کرن. سەرۆککۆمار و سەرۆکێ ئاک پارتیێ تەیب ئەردۆگان وەک داویا ھەر ھلبژارتنەکێ ل ئەنقەرە د ناڤەندا ئاک پارتیێ دە ژ بۆی خەلکێ کو ل بەر دەرێ ئاڤاھیێ کۆمبووین ئاخڤتنەک کر. ئەردۆگان دیار کر کو گەل ب سندۆقان پەیاما خوە ژ ب سیاسەتمەداران گھاندیە و گۆت: “31 ئادارێ ژ بۆ مە نە داوییە، د راستیێ دە خالا ڤەگوھەرینێیە.” ئەردۆگان دیار کر کو، د ڤان ھلبژارتنان دە نەکارین ئەنجاما کو دخوەستن ب دەست بخن و وھا گۆت: “ئەم دێ ئەنجامێن ھلبژارتنێ شرۆڤە بکن و ب وێرەکی خوە رەخنە بکن.”
سەرۆکێ جەهەپێ ئۆزگور ئۆزەل ژی ل ناڤەندا پارتیا خوە ئاخافتنەک کر و گۆت: “ئەز سپاسیا رێخستنێن جەهەپێ دکم. ئەنجامێن ھلبژارتنێ نیشان دا کو ھلبژێران بریار دا کو ل ترکییێ سیاسەتەکا نوو بێ ئاڤاکرن. ئیرۆ ھلبژێران بریارا گوھەرتنا وێنەیێ 22 سالان دایە. تفاقا ترکیەیێ ئەنجامەکە دیرۆکی ب دەست خست.”
