سەرۆکێ کۆمیسیۆنا بلند یا ھلبژارتنێن ترکییێ دا خویاکرن، ژ سەدی 99.99 ژ سەدێ یا دەنگان ھاتنە ھەژمارتن و ل گۆر ئەنجامێن نەفەرمی، جەهەپێ 35، ئاک پارتی 24 و دەم پارتی 10 شارەداریێن مەزن و یێن باژاران بدەست خستنە.
سەرۆکێ کۆمیسیۆنا بلند یا ھلبژارتنێن ترکییێ ئەحمەد یەنەر گۆت: “34 پارتیێن سیاسی بەشداری ھلبژارتنێن شارەدارییێن 31 ئادارا 2024 بوونە. ب 207.848 سندۆقان، 61 ملیۆن، 441 ھەزار 882 دەنگدەرێن تۆمارکری ھلبژارتن ھاتیە ئەنجامدان.”
دیار کر ژی: “د شارەداریێن باژارێن مەزن دە، ب رێژەیا %99.99 سندۆق ھاتنە ڤەکرن. رێژەیا بەشداری بۆ شارەداریا مەزن %78.11یە. ژ بۆ شارەداریێن باژاران %99.95 سندۆق ھاتنە ڤەکرن و رێژەیا بەشداریێ %78.7.”
ئەحمەد یەنەر گۆت: “ل گۆر ئەنجامێن نەفەرمی، جەهەپە 35، ئاک پارتی 24، دەم پارتی 10، مەھەپە 8، یەنیدەن رەفاھ 1 و ئییی پارتی 1 شارەداری بدەست خستنە. جەهەپێ 14 شارەداریێن باژارێن مەزن، ئاک پارتی 12، دەم پارتی 3 و یەنیدەن رەفاھ 1 شارەداریێن مەزن بدەست خستنە.”
