مەدیایا فەرمی یا ئیرانێ رادگهینە کو د ئێریشا ئیسرائیلێ یا سەر بالیۆزخانەیا وی وەلاتی ل شامێ دە، هەژمارەک ژ ئەندامێن پاسدارێن شۆرەشێ هاتنە کوشتن.
مەدیایا فەرمی راگهاند کو د ئێریشا ئیسرائیلێ یا ل دژی بالیۆزخانەیا ئیرانێ یا ل شامێ دە 8 کەس هاتنە کوشتن.
مەدیایا فەرمی یا ئیرانێ راگهاند، د وێ ئێرشێ دە فەرماندارێ هێزا قودسێ یا پاسدارێن شۆرەشێ ل لوبنان و سووریێ محەمەد رزا زاهدی هاتیە کوشتن.
بالیۆزێ ئیرانێ ل شامێ حوسەیین ئەکبەری گۆت کو ئێریشا ئیسرائیلێ ئیسپاتا وێ یەکێ یە کو ئەو رەوابوونا حقووقا ناڤنەتەوەیی ناس ناکن.
د هەمان دەمێ دە وەزیرێ دەرڤەیێ سووریێ فەیسەل میقداد سەردانا جهێ تەقینێ کر و گۆت کو ئێریشێن ب ڤی رەنگی یێن دژمنانە دێ باندۆرێ ل تێکلیێن وەلاتێ وی و ئیرانێ نەکە.
ئاژانسا فەرمی یا نووچەیانا سووریێ ئیرۆ دوشەمێ راگهاند، چەند تەقین ل دەردۆرا پایتەختا سووریێ شامێ قەومین.
رەوانگەها سووری بۆ مافێن مرۆڤ گۆت کو تەقین ل دەڤەرا مززا ل رۆژئاڤایێ شامێ قەومین.
ژ ئالیێ دن ڤە چەند ئاژانسێن نووچەیان و چاڤکانیێن ئیرانی راگهاندن کو ئاڤاهیا بالیۆزخانەیا ئیرانێ ل شامێ و مالا بالیۆزێ ئیرانێ بوونە ئارمانجا ئێریشێن ئیسرائیلێ.
مەدیایا ئیرانێ راگهاند کو بالیۆزێ ئیرانێ ل هوندرێ بالیۆزخانەیێ ب رێبەرێن تەڤگەرا جیهادێ رە جڤیا.
