ئاژانسێن نووچەیێن ئیرانێ راگەھاندن کو ل باشوورێ ئیرانێ ئێریش ل سەر چەند بنکەیەکی ھێزێن ئەولەھیێ پێکھاتن و د ئەنجامێ دە کوشتی و بریندار ھەنە.
ھات راگەھاندن گرۆپا ب ناڤێ جەیش ئەل عەدل ئێریشی سەر بنکەیەکی پۆلیسێن باژارێ تەشابھار کرنە و د ئەنجامێ دە جیگرێ رێڤەبەرێ وی بنکەیی و دو کارمەندێن دن یێن ھێزێن ئەولەھیێ ژیانا خوە ژ دەست دانە.
بەرپرسەکی پایەبلندێ حکوومەتێ یێ وێ ناڤچەیێ ژی راگەھاند، د ئەنجاما وان ئێریشێن ل سەر ھەژمارەک بنکەیێن لەشکەری یێن ل باشوورێ ئیرانێ پێکھاتنە دە 3 پۆلیسان ژیانا خوە ژ دەست دانە.
ھەروەھا وی بەرپرسێ پایەبلندێ ئیرانێ ئیرۆ 4/4/2024 ژ ئاژانسا ئیرنا رە ئاشکەرا کر، ل باژارێ راسک و باژارێ تشابھار د ناڤبەرا ھێزێن ئەولەھیێ و وێ گرۆپێ دە پەڤچوون دەرکەتیە و د ئەنجامێ دە چەند کەسەک ھاتنە کوشتن و ھندەک کەسێن دن ژی بریندار بوونە. لێ دەربارێ ھەژمارا برینداران دە چ ئاگاھی نەھاتن بەلاڤ کرن.
