ئیسرایلێ چەند بنگەھێن حزبوللاها لوبنانی ل سووریێ مووشەکباران کرن

ئیسرایلێ چەند بنگەھێن حزبوللاها لوبنانی ل پارێزگەھێن دەرعا و قیونەیتەرا یێن سوورییێ مووشەکباران کرن.

رەوانگەھا سووری یا مافێن مرۆڤان بەلاڤ کر، پشتی ئاڤێتنا 12 مووشەکان ژ باشوورێ ل سەر گۆلانێ، ئیسرایلێ چەند بنگەھێن حزبوللاها لوبنانی ل پارێزگەھێن دەرعا و قیونەیتەرا یێن سووریەیێ مووشەکباران کرن، بێی کو زیانێن وان ئێریشان بێن راگھاندن.

رەوانگەھێ دیار کر، ئەڤ ئێریشا ئیسرایلێ پشتی وێ تێ شەڤا بۆری 12 مووشەک ژ دەڤەرا رەفیدە یا قونەیتەرێ و گوندێ موەلەقە یێ دەرعایێ ڤە ھاتبوون ئاڤێتن سەر گۆلانێ.

ئیسرایلێ رۆژا 1 ڤێ مەھێ بالیۆزخانەیا ئیرانێ ل شامێ کربوو ئارمانج و د ئەنجامێ دە 16 کەس ھاتبوون کوشتن کو د وان ناڤ وان دە فەرماندارێن پلەبلندێن ئیرانی ھەبوون.

ل گۆری زانیاریێن ژ دەستپێکا ئیسال ڤە، ئیسرایلێ 32 جاران خاکا سووریێ کریە ئارمانج و 64 خال و کۆمگەھێن چەکان و بارەگەھێن لەشکەری وێران کرنە.

ھەروھا د ئەنجاما وان ئێریشان دە، 129 لەشکەرێن سووری و چەکدارێن میلیشیایێن سەر ب پاسدارێن ئیرانێ ڤە ھاتنە کوشتن و 47 کەس ژی بریندار بوونە.