بنکەیەکێ لەشکەری یێ ئامەریکایێ بوو ئارمانجا ئێریشێ

ئیرۆ 7/4/2024 ئاژانسێن نووچەیان راگەھاندن کو ب رێیا بالەفرەکا درۆن ڤە ئێریشەک ل سەر بنکەیەکی لەشکەری یێ ئامەریکایێ یێ ل سووریێ و نێزیک سێگۆشەیا سینۆرێ سوورییێ–ئیراق و ئوردنێ پێکھاتیە.

ئاژانسا سکای نیوس یا عەرەبی راگەھاند کو ب رێیا درۆنەکی ڤە ئێریش ل سەر بنکەیێ لەشکەری یێ تەنەف کو ھێزێن ئامەریکایێ لێ نە پێکھاتیە، لێ بەری کو ئەو درۆن بگەھە ئارمانجا خوە ھاتە خستن و پشترە ژی د ناڤ بنکە دە زەنگا ئاگاھداریێ ھاتە لێخستن.

ژ دەما شەرێ د ناڤبەرا عەماس و ئیسرایلێ یێ رۆژا 7 جۆتمەھا 2023 دەستپێکری ھەتا نھا 15 جاران ئێریش ل ھەمبەر بنکەیێ تەنەفێ ل سوورییێ پێکھاتیە و ب گشتی ژی 122 جاران ئێریش ل سەر بنکەیێن لەشکەری یێن ئامەریکایێ ل ئیراق و سووریێ چێبوونە.