ئیرۆ 8/4/2024 د بۆمبەبارانا ئارتێشا ئیسرایلێ یا ل باشوورێ لوبنانێ دە رێڤەبەرەکی حزبوللاھا لوبنانێ و دو کەسێن دن ھاتن کوشتن.
ئاژانسا رویتەرسێ د ڤێ دەربارێ دە راگەھاند، د بۆمبەبارانا ئیسرایلێ یا ل سەر گوندێ سولتانیا یا ل باشوورێ لوبنانێ دە رێڤەبەرەکی پراکتیکی یێ ھێزا رەزوان کو ھێزەکا تایبەتا سەر ب حزبوللاھا لوبنانێ یە و دو کەسێن دن ھاتنە کوشتن.
ل گۆر ئاژانسا نووچەیان یا لوبنانێ کو بەیانامەیا حزبوللاھا لوبنانێ یا ڤێ دەربارێ دە بەلاڤ کر، رێڤەبەرێ ھاتیە کوشتن ناڤێ وی عەبدولەمیر حەسەن حەلاوی یە و وەک عەلی رەزا دھاتە ناسکرن و داییکبوویێ سالا 1976 و خەلکێ باژارۆکێ کفکەلایا یا ل باشوورێ لوبنانێ یە.
دوھ ئارتێشا ئیسرایلێ د بەیانامەیەکی دە راگەھاند کو ئامادەکاریێن ژ بۆ ئەگەرا شەری ل ئەنیا باکور کرنە، ژ بەر کو ئەو شەش مەھە حزبوللاھا لوبنانێ ناڤچەیێن باکورێ ئیسرایلێ بۆمبەباران دکە و ئامادەکاریێن وان ژ پاراستنێ بۆ ئێریش کرنێ نە.
