ل ترکیا و باکورێ کوردستانێ 49 کەس ب تۆمەتا “بانگەشەیا پەکەکێ” ھاتن بنچاڤکرن

ل 19 باژارێن ترکیێ و باکورێ کوردستانێ، 49 کەس ب تۆمەتا ئەندامەتی و بانگەشەیا پەکەکێ ھاتن بنچاڤکرن.

ل گۆری داخویانیا وەزیرێ ناڤخوەیێ ترکییێ عەلی یەرلیکایا، ل ترکیێ و باکورێ کوردستانێ، ل باژارێن وەک ستەنبۆل، دیلۆک، شرنەخ و ئەدەنە ب گشتی 19 باژاران دژی ئەندام و ئالیگرێن پەکەکێ ئۆپەراسیۆن ھاتنە کرن.

عەلی یەرلیکایا دا زانین ژی، د ئۆپەراسیۆنان دە 49 کەس ھاتنە بنچاڤکرن.

یەرلکایا گۆت، ئۆپەراسیۆن ب فەرمانێن دۆزگەران ھاتنە دەستپێکرن و کەسێن ھاتنە بنچاڤکرن ب ئەندامەتیا پەکەکێ، بانگەشەیا پەکەکێ ل سەر تۆرێن جڤاکی و کۆمکرنا ئالیکاریا دارایی بۆ پەکەکێ تێن تۆمەتبارکرن.