ئەنیا بەرخوەدانا ئیسلامی ل ئیراقێ راگەهاند، تۆلا ئێریشا ل سەر بابلێ ل هەمبەر حه‌شدا شەعبی هاتیە کرن ڤەکرنه و ئێریش کرنە سەر ئارمانجەکە ل ناڤچەیا ئیلاتا ئیسرائیلێ.
ئەنیا بەخوەدانا ئیسلامی ل ئیراقێ، کو ژ چەند گروپەکێن هێزێن ملیس پێکهاتیە د بەیانامەیەکی دە راگەهاند؛ چەکدارێن وان ب بکارئانینا درۆنان ئارمانجەکە گرنگ ل ناڤچەیا باژارێ ئیلاتا ئیسرائیلێ کرنە ئارمانج و ئەڤ وەک بەرسڤەکێ بوویە ژ بۆ وێ ئێریشا ل بابلێ ل سەر هێزێن حه‌شدا شەعبی هاتیە کرن.
ل گۆر هەمان بەیانامەیێ هاتە گۆتن کو: «ئەمێ ئێریشێن خوە بەردەوام بکن».
ئیرۆ د ئەنجاما ئێریشەکە مووشەکی یا ل سەر بنکەیەکی لەشکەر یا سەر ب هێزێن حه‌شدا شه‌عبی یێن ل باژارێ بابلا ل باشوورێ بەغدا یا پایتەخت پێکهات و ل گۆر هن چاڤکانیان چەکدارەکی حه‌شدل شەعبی هاتیە کوشتن و 8 چەکدارێن دن ژی بریندار بوونە، لێ زیانێ مادییێ مەزن گەهەشتیە وی بنکەیی.
ئاژانسا رۆیته‌رزێ ب زمانێ دو چاڤکانیێن ئەولەهیێ ل ئیراقێ راگەهاند: تەقینا ل سەربازگەها حه‌شدا شەعبی یا ل بابلێ ب ئێریشا ئەسمانی پێکهاتیە، کو چاڤکانیا وێ هەتا ناها نەدیارە.
لێ سەرۆکێ لژنەیا ئەولەهیێ ل پارێزگەها بابلێ موهەنەد ئەل عنزی راگەهاند: ئێریش بوویە سەدەمێ کوشتنا چەکدارەکی حه‌شدا شەعبی و 6 چەکدارێن دن ژی بریندار بوونە.
