ناسنامه‌یا سێ چه‌كدارێن دن یێن په‌كه‌كێ ئاشكه‌ره بوو، رێخستنێ ئه‌و ژی وه‌كه ب هه‌زاران جوانێن كوردان د به‌رخوه‌دانا خوه یا ساخته و بێ ئه‌نجام دا فه‌دا كرنه.
هه‌په‌گێ باسكێ له‌شكه‌ری یێ په‌كه‌كێ ژ دوهـ رۆژا یه‌كشه‌می ڤه، ناسنامه‌یا 3 چه‌كدارێن خوه یێك ژێ ژن ئاشكه‌ره كر كو ل ئادارا ئیسال ل چیایێ مه‌تینایێ و زاپێ یێن ل باشوورێ كوردستانێ كه‌تنه به‌ر ئێریشان و ژیانا خوه ژ ده‌ست دا نه و ژ نوو ڤه ئیرۆ مرنا وان ئیفشا كر.
هه‌په‌گێ وه‌كه ب سه‌دان رێهه‌ڤالێن وان، ئه‌ڤ 3 جوانێن كورد ژی د به‌رخوه‌دانا خوه یا ساخته و بێ ئه‌نجام ده دا نه كوشتن و د په‌سنێ وان ده دبێژه: ئه‌و ملیتانێن ئاپۆ بوون، فه‌دایێ ئاپۆ بوون!.
په‌كه‌كه هه‌ر رۆژ وێنه‌یێن كۆمێن زارۆك و جوانێن كوردان د مه‌دیایا خوه ده پارڤه‌دكه، جوانێن كو ژ بۆی ئاپۆ به‌رێ وان دا یه مرنێ و مرنا وان ڤه‌شارتی هشتی.
