سەرۆککۆمارێ ترکیەیێ رەجەپ تاییپ ئەردۆگان ئیرۆ 22ێ نیسانا 2024ان پێش نیڤرۆ ب سەردانەکە فەرمی گهیشت بەغدایێ.
سەرۆکۆمارێ ترکیێ و شاندا پێ رە ژ ئالیێ سەرۆکوەزیرێ ئیراقێ محەمەد شه‌یاع سوودانی ڤە پێشوازی لێ کرن. پشترە دێ سەردانا کۆشکا سەلامێ بکە و ژ ئالیێ سەرۆکۆمارێ ئیراقێ عەبدولەتیف رەشید ڤە وەرە پێشوازیکرن.
هەر د ڤێ چارچۆڤەیێ دە، بریارە سەرۆککۆمارێ ترکیەیێ رەجەپ تاییپ ئەردۆگان د چارچۆڤەیا سەردانا خوە یا بەغدایێ دە، سەردانا گۆرستانا ئۆسمانیان یا ل هەرێما ئه‌زه‌میێ بکە.
ل گۆری ئه‌جێندایا سەردانا ئەردۆگان بۆ بەغدایێ، تێ چاڤەرێکرن کو ل سەر چەند مژاران لهەڤکرن وەرە کرن، ژ وان ژی هناردەکرنا پەترۆلێ ب رێیا بەندەرا جەیهانێ و بەردانا پشکێ ئاڤا ئیراقێ ژ چەمێ دیجلەیێ ل گۆری پەیمانێن ناڤدەولەتی.
