بەردەڤکێ حکوومەتا ئیراقێ باسم عه‌وادی رادگهینه، ئەمێ ژ نها و پێ ده رێ نه‌دن په‌كه‌كه ل ناڤ ئاخا ئیراقێ چالاکیێن سیاسی و لەشکەری بکە و گۆت: «ژ نها و پێ دە ئەمێ وه‌ك مێهڤان و په‌نابه‌ر ره‌فتارێ ب په‌كه‌كێ ره بكن».
بەردەڤکێ حكوومه‌تا ئیراقێ باسم عه‌وادی گۆت: «کۆمیتەیێن هەڤبەشێن ئەولەهیێ د ناڤبەرا ئیراق و ترکیێ به‌رده‌وامن و ل سەر پرسا په‌كه‌كێ گهیشتنە نیڤ لهەڤکرنەکێ د بن چاڤدێریا رێخستنێن ناڤنەتەوەیی دە».
عه‌وادی گۆت: یا هەری گرینگ ئەوە کو هەر دو وەلات هەڤکاری و هەڤاهەنگیا ئەولەهیێ بکن، ژ بەر کو مە ب ئیرانێ رە پەیمانا ئەولەهیێ ئیمزە کریە.
ده‌ستنیشان كر، مە د دەما بۆری دە ژ بۆ ڤەگەراندنا ئارامیێ ل سەر سینۆرێن د ناڤبەرا هەر دو وەلاتان ب ئیرانێ رە رێككه‌فتن ئیمزه كر، ئه‌مێ پەیمانەکە ئەولەهیێ یا ب ڤی رەنگی ل گه‌ل تركیێ ژی ئیمزە بکن.
