وەزیرێ کارێن ناڤخوەیی یێ ترکییێ دا زانین کو ب تەڤاھی ل 34 باژاران 147 کەس ب تۆھمەتا ئەندامتیا پەکەکێ ھاتنە بنچاڤکرن.
ژ ئالیێ وەزیرێ کارێن ناڤخوەیی یێ ترکییێ عەلی یەرلیکایا ڤە د حەسابا X دە ھات راگھاندن کو ل 34 باژاران 147 کەس ب ئەندامەتیا رێخستنا نەقانوونی ھاتنە بنچاڤکرن.
عەلی یەرلیکایا ئاماژە کر کو ھێزێن جەندرمەیان ل 19 باژارێن وەک سەمسوور، ئاگری، ئایدن، بووردوور، دیاربەکر، ئەدرنە، ئەرزرۆم، دیلۆک، گیرەسوون، ھاتای، ستەنبۆل، کۆجاعەلی، کیلیس، پسمانیە، ریزە، سێرت، شرنەخ، تەکیرداگ، وانێ ئۆپەراسیۆنەک دژی کەسێن ل سەر مەدیایا جڤاکی بانگەشەیا رێخستنا نەقانوونی کرنە، ئەندامن و ئالیکاری دانە وێ رێخستنێ ل دار خستنە.
ھەر وھا ل 15 باژاران ژی ھێزێن ئەولەکاریێ ئانکو پۆلیسان ئۆپەراسیۆن ل دار خستنە و د ناڤ کەسێن کو ھاتنە بنچاڤکرن دە کەسێن ئالیکاریا ئەندامێن رێخستنا نەقانوونی کرنە کو د سالا 2022 دە ب رێیێن نەقانوونی دەرباسی ترکییێ ببن ژی ھەنە، ھەر وھا دیسا د ناڤا کەسێن ھاتنە بنچاڤکرن دە کەسێن نەورۆزێ بانگەشەیا رێخستنا نەقانوونی کرنە ژی ھەنە.
