ژنەکا خەلکا ئیسفاھانا ئیرانێ ب کێرێ کەچا خوە یا 11 سالی یا ئۆتیزمی کوشت و ئاگر بەردا تەرمێ وێ.
ئاژانسا نووچەیان یا مێھر د راپۆرتەکی دە راگەھاند، ھەفتیا بۆری وێنەیێ کەچەکە تەمەن 11 سالی یا ئۆتیزما وێ ھەیی ل تۆرێن جڤاکی ھاتە بەلاڤ کرن، کو وندا بوویە و ل دوو دھاتە گەرین، لێ دوھ 28/4/2024 دەرکەت کو ژ ئالیێ داییکا وێ ڤە ھاتیە کوشتن.
ھەروھا ھات راگەھاندن، خەلکەکی زێدە ھەول دان کو وێ کەچا بچووک ببینن، لێ بەرپرسێ پۆلیسێ پارێزگەھا ئیسفاھانێ عەقید حوسێن تورکیان کوشتنا وێ کەچێ راگەھاند و گۆت: “د لێکۆلینان دە گەھەشتنە وێ باوەریێ کو داییکا وێ کەچێ بخوە زارۆک کوشتیە.”
ل گۆر داخویانیا بەرپرسێ پۆلیسێ ئیتیلاعاتا ئیسفەھانێ، داییکا وێ زارۆکێ پشتی ھاتیە گرتن ل خوە موکرھات کو کەچا خوەیا ب ناڤێ دیانا بریە بۆ باغەکێ ڤالا یێ دەرڤەیی باژێر و پشتی کو وێ ب کێرێ دکوژە، ئاگری بەرددە تەرمێ وێ و ژ جیھێ بوویەرێ دوورکەتیە.
