ئەندامێ پارتیا کۆماری یا گەل جەهەپێ ل دیاربەکرێ عەبدولقادر بەدیر یێ کو د ھلبژارتنێن شارەداریان یێن 30 ئادارێ دە کاندیدێ شارەداریا سوورێ یا دیاربەکرێ بوو، ل مالا خوە مری ھات دیتن.
عەبدولقادر بەدیر یێ کو ژ بۆ ھلبژارتنێن شارەداریان وەکی بەربژێرێ شارەداریا سوورێ یا ناڤچەیا ناڤەندی یا دایربەکرێ ھاتبوو دیارکرن، ل مالا خوە ب ئاوایەکی کو گولـلە ل سەری کەتیە، مری ھات دیتن.
ھات دیارکرن کو عەبدولقادر بەدیرێ کو ل تاخا مەزۆپۆتامیایێ یا ناڤچەیا کایاپنارێ ب تەنا سەرێ خوە دژیا، چەند رۆژ بوو کو دەنگ ژێ نەدھات.
ھات زانین کو ل سەر ڤێ یەکێ خزمێن وی چوونە مالا وی کو ب دەربەیا گولـلەیەکی ژیانا خوە ژ دەست دایە.
ل گۆری تێ ئیدیعاکرن، عەبدولقادر بەدیر دەیندار بوویە و ژ بەر کو نکاریبوویە دەینێن خوە بدە، وی گولـلە ل سەرێ خوە دایە.
ھات راگھاندن ژی کو د دەربارێ بوویەرێ دە لێپرسین ھاتیە دەستپێکرن.
