سەرۆکێ ھەرێما کوردستانێ نێچیرڤان بارزانی ل تەھرانێ لگەل سەرۆککۆمارێ ئیرانێ ئیبراھیم رەئیسی جڤیا و پێوەندیێن سیاسی، ئابۆری و بازرگانی یێن د ناڤبەرا تەھران و ھەولێرێ دە گۆتووبێژ دکن.
ل گۆری بەرنامەیا سەردانا سەرۆکێ ھەرێما کوردستانێ، بریارە نێچیرڤان بارزانی پشتی جڤینا لگەل رەئیسی، دێ لگەل رێبەرێ بلندێ شۆرەشا ئیرانێ بجڤە.
پێشتر بەردەڤکێ سەرۆکاتیا ھەرێما کوردستانێ راگھاندبوو، پرسێن ئەولەھی و ئارامیا ھەرێما کوردستانێ و ئیرانێ، دێ تەوەرەکێ دن یێ گۆتووبێژێن نێچیرڤان بارزانی و ئیبراھیم رەیسی بن. د ڤێ چارچۆڤێ دە ژی تەکەزی ل سەر پێشخستن و بھێزکرنا تێکەلیێن د ناڤبەرا ھەرێما کوردستانێ و ئیرانێ دە تێ کرن.
جڤینا سەرۆککۆمارێ ئیرانێ و سەرۆکێ ھەرێما کوردستانێ دووری مەدیایێ تێ کرن. لێ بریارە ھەڤدیتنێن دن یێن لگەل رایەدارێن دن یێن ئیرانێ ژی ب ئاوایەکی ئەشکەرە و ل پێشبەری مەدیایێ بێن کرن.
سەرۆکێ ھەرێما کوردستانێ نێچیرڤان بارزانی ل سەر ڤەخواندنا فەرمی یا رایەدارێن پایەبلندێن ئیرانێ دوھی گھیشت تەھرانێ.
