هێزێن سووریەیا دەمۆکراتیک هه‌سه‌دێ دیار کر کو ل باژارۆکێ ئەل شهێلێ یێ دێرەزۆرێ د 2 ئێرشێن جودا دا 4 شه‌رڤانێن وان هاتنه كوشتن و 7 شه‌رڤان ژی بریندار بوونە.
هه‌سه‌دێ راگهاند کو داعشێ ل باژارۆکێ ئەل شهێلێ یێ دێرەزۆرێ ب ئۆتۆمۆبیلەکە بۆمبەبارکری ئێرشی خالەکا وان یا لەشکەری کریە.
هه‌ر وها گۆت: خوەکوژێ کو ئۆتۆمۆبیل داژۆت، نێزیکی دەریێ سەرەکەیێ خالا مە یا لەشکەری بوو و خوەست دەرباسی هوندرێ خالا سەربازی ببە، لێ شەرڤانێن مە رووبروویێ وی بوون و وان نەهشت کو دەرباسی هوندر ببە، ژ بەر وێ ژی تەرۆریست نەچار ما کو ئۆتۆمۆبیلا خوە ل بەر دەری بتەقینە.
ل گۆری داخویانیا هه‌سه‌دێ، 3 شه‌رڤانێن وان هاتنه كوشتن و 7 شه‌رڤان ژی بریندار بوون.
د بەردەوامیا داخویانیێ دە هه‌سه‌دێ ئەشکەرە کر کو د دەما کو شه‌رڤانێن وان بریندارێن خالا لەشکەری دەرمان دکرن و جەنازەیێن شه‌رڤانان رادکرن ملیسێن نێزیکی حکوومەتا سووریێ ئێرشی وان کرنە.
ل گۆری داخویانیا هه‌سه‌دێ شه‌رڤانه‌كی وان ژی ژ بەر ئێرشا ملیسێن حکوومەتا سووریێ جانێ خوە ژ دەست دا یە.
