تركیێ گوندێن منبجێ تۆپباران كرن: كوشتی و بریندار هه‌نه‌

ئارتێشا تركیێ ب چه‌كا گران ئێریشی گوندێن منبجێ كر و هه‌ژماره‌كه‌ هه‌مولاتیێن وان گوندان هاتنه‌ كوشتن و بریندار بوونه‌.

ئۆفیسا راگهاندنێ یا باکور و رۆژهلاتێ سووریەیێ راگهاند کو ترکیەیێ گوندێن کانتۆنا منبجێ تۆپباران کرنە.

ل گۆری داخویانیێ، گوندێ ئۆسەجلیێ هاتیە تۆپبارانکرن و ژ هەمان مالباتێ 4 کەس بریندار بوونە.

ترکیەیێ هەروها گوندێ ئوم سەتحێ ژی تۆپباران کریە و د ڤێ ئێرشێ دە ژی ژنەک هاتیە کوشتن.

ترکیە ژ 5ێ چریا پێشینا 2023یان ڤە ب ئاوایەکی دژوارتر ئێرشی رۆژئاڤایێ کوردستانێ دکە.

گەلەک جاران سازیێن سڤیل ئوویێن خزمەتگوزاریێ دکە هەدەف و ئێرشێن ترکیەیێ گەلەک جاران ژی دبن سەدەما مرنا سڤیلان.