ل شامێ د ئەنجاما تەقینەکێ دە کەسەکی جانێ خوە ژ دەست دا

 ئاژانسا فەرمی یا حکوومەتا سووریێ راگھاند، تەقینەک ل دەڤەرا مەززێ یا شامێ روو دا و د ئەنجامێ دە، کەسەک ھات کوشتن.

ژێدەرەکی ژ پۆلیسێ شامێ ژ ئاژانسا “سانا” رە گۆت، بۆمبەیەکا ڤەدایی ب ئۆتۆمۆبیلەکێ دە تەقیا و د ئەنجامێ دە کەسەک ھات کوشتن و زیان گھیشت چەند ئۆتۆمۆبیلێن دن یێن سڤیلان.

تاخا مەززێ ڤێلات وەک تاخەکا ئەولەکاری تێ ناسکرن و سەرکردەیێن ملیسێن سەر ب ئیرانێ و سەرکردەیێن فلستینی یێن نێزیکی ئیرانێ، لێ بجھ دبن.

رۆژا 20/1/2024 ژی، ئارتێشا ئیسرایلێ جڤینەکا سەرکردەیێن گرۆپێن چەکدارێن نێزیکی ئیرانێ ل ئاڤاھیەکا تاخا مەززێ کرە ئارمانج و تێ دە 5 کەس ھاتن کوشتن کو 4 ژ وان بەرپرسێن پایەبلندێن پاسدارێن ئیرانێ بوون.