ژێدەرەکی ئەولەکاریێ یا ئیراقی راگهاند، شاخەکە کۆمپانیایا کەرەستەیێن ئاڤاهیسازیێ یا ئامەریکی (Caterpillar) و ئەنستیتویا پەروەردەهیا (Cambridge) یا بریتانی ئیرۆ دانێ سبێ ل به‌غدایێ راستی ئێریشان هاتن.
وی ژێدەری ئەشکەرە کر کو شاخێ كۆمپانییا Caterpillar ل دەڤەرا جادریە یا ل ناڤا به‌غدایێ ب بۆمبەیەکە دەنگی هاتیە ئارمانجکرن.
دیار کر ژی، پەیمانگەها Cambridge یا بریتانی ل کۆلانا فلستینێ یا ل رۆژهلاتێ به‌غدایێ ب بۆمبەیەکە چێکری هاتیە ئارمانجکرن.
د ئەنجاما هەر دو ئێریشان دە، ت زیانێن جانی نەهاتنە تۆمارکرن و تەنێ زیانێن مادی گهیشتنە ئاڤاهی کۆمپانیایێ و پەیمانگەهێ.
ئەڤ ئێریش پشتی وێ تێ، یەکشەما بۆری دو خوارنگەهێن KFC یێن ئامەریکی، یەک ل کۆلانا فلستینێ و یا دن ژی ل ناڤچەیا که‌راده یا ل به‌غدایێ راستی ئێریشان هاتبوون.
