وەزارەتا دەرڤە یا ئامەریکایێ پشتراست کر کو شەرت و مەرجێن لدارخستنا هلبژارتنێن ئازاد و عادل ل هەرێمێن رێڤەبەریا خوەسەر ل باکورێ رۆژهلاتێ سووریێ «نە بەردەستن».
ئەڤ یەک د دەمەکێ دەیە کو رێڤەبەریا خوەسەر دخوازە ل سەر بنگەها «پەیمانا جڤاکی یا رێڤەبەریا خوەسەریا دەمۆکراتیکا باکور و رۆژهلاتێ سووریێ» کو د 13ێ کانوونا 2023ان دە هاتبوو راگهاندن، هلبژارتنێن شارەداریان ل باکورێ رۆژهلاتێ سووریێ ئۆرگانیزە بکە.
وەزارەتا کارێن دەرڤە یا ئامەریکایێ داخویانی ده‌ربارێ ڤێ هلبژارتنێ دا و گۆت: «هەر هلبژارتنێن کو ل سووریەیێ بێن کرن، دڤێ ل گۆری بریارا هەژمارا 2254ا کۆنسەیا ئەولەکاریێ یا نەتەوەیێن یەکبوویی ئازاد، ئادل، زەلال و بەرفرەهـ بن».
هەر وها بال کشاند سەر وێ یەکێ کو «ئامەریکا د وێ باوەریێ دەیە کو د هلبژارتنێن باکورێ رۆژهلاتێ سووریەیێ دە ئەڤ شەرت و مەرج پێک نایێن».
وەزارەتا دەرڤە یا ئامەریکا ئاشكه‌ره كر كو وان ئەڤ یەک ژ گهاندیه کۆمەکە ئاکتۆر و پارتیێن سیاسی یێن ل باکورێ رۆژهلاتێ سووریێ یێك ژێ ئیدارەیا دیموکراتی یا ئوتونومی ل وێ ده‌رێ و گۆت: ئەم داخوازێ ژ وان دکن هلبژارتنێ ل ئەڤی ده‌مێ ئەنجام نەدن».
رێڤەبەریا خوەسەر بەری نها راگهاندبوو کو هەژمارا بەربژێرێن هلبژارتنێن شارەداریان کو بریارە د 11ێ هەزیرانا پێش مه دە بێن کرن، گهیشتیە 5 هەزار و 336 بەربژێران.
ل هەرێمێن رێڤەبەریا خوەسەرا باکور و رۆژهلاتێ سووریێ د 13ێ ئادارا 2015ان دە یەکەمین هلبژارتنێن هەرێمی هاتن لدارخستن.
