د ئێرشا ئیسرائیلێ یا ل حه‌له‌بێ دە، فەرماندەرەکی پاسدارێن ئیرانێ هات کوشتن.
رێخستنا مافێ مرۆڤان یا سووریەیێ راگهاند کو بالەفرێن ئیسرائیلێ دوهـ ل باژارۆکێ هەیانێ یێ حه‌له‌بێ بارەگەهێن حزبوڵاهـ و هێزێن ئیرانێ بۆمبەباران کرن.
ل گۆری رێخستنا مافێ مرۆڤان یا سووریەیێ د ئەنجامێ دە 17 لەشکەر و چەکدار هاتنە کوشتن
ئاژانسا ئیرانێ ئیسنایێ ژی راگهاند کو د بۆمبەبارانا ئیسرائیلێ دە شێورمەندەکی پاسداران یێ ئیرانێ هاتیە کوشتن.
ل گۆری ئاژانسێ ناڤێ ئەفسەرێ هاتیە کوشتن ساعید ئایبارە.
وەزارەتا پاراستنێ یا سووریەیێ ژی پشتراست کربوو کو ئیسرائیلێ ئێرشی هن خالێن ل دەردۆرا حه‌له‌بێ کریە.
ئیسرائیل پشتی سالا 2011ان کو شەرێ ل سووریەیێ دەست پێ کر هنەک جاران ئێرشی هێزێن سووریەیێ و کۆمێن چەکدار دکە کو ئیران ل پشتا وانە.
