یه‌كینه‌یێن پاراستنا گه‌ل یه‌په‌گێ، باسكێ له‌شكه‌ری یێ په‌كه‌كێ ل رۆژئاڤا كوردستانێ، دبستانه‌ته‌كه په‌روه‌رده‌یێ ژ بۆی زارۆكێن داعشێ ڤه‌كریه ژ بۆ كو پشتره وان ته‌ڤلی ره‌فێن خوه بكه.
چاڤكانیێن داركا مازی یێن ل رۆژئاڤا كوردستانێ ئاشكه‌ره كرن، یه‌په‌گێ دبستانه‌كه په‌روه‌رده‌یێ ژ بۆی زارۆكێن ژ باڤ داعشی ڤه‌كریه كو زارۆكان ژ كامپا هۆلێ د ره‌ڤینه و پشتره ل وێ دبستانێ په‌روه‌رده و مه‌شقێ ب وان دكه ژ بۆ كو ببن چه‌كدار د ناڤا ره‌فێن یه‌په‌گێ ده.
ل گۆری ئاگاهیێن ده‌ستێ مه، یه‌په‌گێ ئه‌و دبستان ژ سالا 2019ێ ڤه ڤه‌كریه، دكه‌ڤه باژێرێ حه‌سه‌كێ ب تایبه‌ت ل تاخا عه‌زیز ل نێزی دۆریانا ب ناڤێ غه‌زه‌ل.
چاڤكانیێن داركا مازی ئاشكه‌ره كرن، یه‌په‌گه زارۆكان ژ كامپا هۆلێ ب دارێ زۆرێ ژ دایكێن وان دستینه و باڤێن پرانیا وان زارۆكان ژی د گرتیگه‌ها گوێران ده نه.
ئاگاهیێن مه ته‌سپیت كرنه كو نێزی 200 چه‌كدارێن ئاساییشا په‌یه‌دێ و هێزا هات پاسه‌وانییا وێ دبستانا یه‌په‌گێ دكن.
