وەزیرێ به‌رگریێ یێ ترکیێ یاشار گولەر ل سەر هلبژارتنێن رۆژئاڤایێ کوردستانێ گۆت، «ئەم خەباتێن ڤان هلبژارتنان رەد دکن».
وەزیرێ به‌رگریێ یێ ترکیەیێ یاشار گولەر ب فەرماندارێن هێزێن ترکیەیێ رە ب رێیا تەلەکۆنفەرانسێ جڤینەک ل دار خست.
د جڤینێ دە یاشار گولەر هلبژارتنێن شارەداریان یێن رۆژئاڤایێ کوردستانێ وەکی قۆناغەکە ئاڤاکرنا دەولەتەکێ ب ناڤ کر و گۆت: «ئەم خەباتێن ڤان هلبژارتنان بێ گۆمان رەد دکن».
هەروها گولەر دیار کر کو ئەو دێ رێ نەدن کو ل رۆژئاڤایێ کوردستانێ کۆریدۆرەک بێ ئاڤاکرن.
ل ئالیێ دن یاشار گولەر ئیدیعا کر کو هلبژارتنێن هەرێمی یێن ل رۆژئاڤایێ کوردستانێ د بن تێکۆشینا ل دژی داعشێ دە رایا گشتی یا ناڤنەتەوەیی پێ دخاپینن و «ئەڤ یەک پلانەکە» ل دژی وەلاتێ وان.
وەزیرێ به‌رگریێ یێ ترکیێ یاشار گولەر ل سەر ئۆپەراسیۆنێن دژی په‌كه‌كێ ژی ئاماژە ب وێ یەکێ کر کو ئەو دێ ل ناڤ ترکیە و دەرڤەیی وێ چالاکیێن خوە دەرخن ئاستەکە ژۆرتر.
