بالیۆزخانەیا ئامەریکایێ ل به‌غدایێ هایداریەکێ پارڤە دکە و تێ دە دبێژە، «ئەم ب هووری لدووچوونێ ژ بۆ راپۆرتێن گرێدایی ئێریشکرنا ل سەر دەزگەهێن بازرگانی یێن ئامەریکایی ل به‌غدایێ دکن و ڤەکۆلینان ل سەر دکن».
بالیۆزخانەیا ئامەریکایێ ل به‌غدایێ وەلاتیێن خوە هایدار دکە کو ژ بەر مەترسیێن رەڤاندنێ، کریارێن تەرۆریستی، شەرێن چەکداری و نەئارامیا رەوشێ سەردانا ئیراقێ نەکن.
هێلەکە گەرم ژی دانایە ژ بۆ پەیوەندیکرنا وان وەلاتیێن ئامەریکایییێن کو ل ئیراقێ رووبروویی ئارێشە و دەستدرێژیان دبن.
چاڤکانیەکە ئەولەهیێ ل رۆژا چارشەمێ، 05.06.2024، ژ مەدیایێن ناڤخوەیی رە راگەهاند، «ئێریشی پەیمانگەها کامبریجێ یا فێرکرنا زمانی ل دەڤەرا ئوروبەیێ یا پارێزگەها دیوانیەیێ هاتیە کرن».
وێ چاڤکانیێ ئاماژە ژی دا، «ئەو ئێریش ژ ئالیێ کەسەکی نەناس ڤە کو سوارێ مۆتۆرسکلێ بوو ب نارنجۆکێ هاتیە کرن». هەروەسا گۆت، «ئەو ئێریش بوو سەدەما برینداربوونا یەک ژ زێرەڤانێن وێ پەیمانگەهێ و ئێریشکەر ژی رەڤی».
