ناسنامەیا دو گەریلایان هات ئەشکەرەکرن

پارتیا كاركه‌ران ئیرۆ ناسنامه‌یا دو چه‌كدارێن خوه‌ یێن دن ئاشكه‌ره‌ كر كو ل چیایێ ماڤا یێ ل باكورێ كوردستانێ كه‌تنه‌ به‌ر ئێریشان و هاتنه‌ كوشتن.

ل 19 هه‌زیرانێ ئارتێشا تركیێ ل چیایێ ماڤا ئۆپەراسیۆنەکە لەشکەری دەست پێ کربوو، ل هەمان رۆژێ ل ناڤچەیا هەسکیفێ یا ئێلها باکورێ کوردستانێ قەدەغە هاتبوو راگهاندن و ل چیایێ ماڤا شەر قەومیبوو.

ل چیایێ ماڤا ل هەرێمێ تەڤگەرەکە زێدە یا هەلیکۆپتێران چێببوو، هەروها شەبەکەیێن تەلەفۆنان و ئینتەرنەت ژی ل گوندێ خربەکوورێ هاتبوون برین.

هه‌په‌گێ باسكێ له‌شكه‌ری یێ په‌كه‌كێ ئیرۆ رۆژا یه‌كشه‌می 23/6/2024ێ راگهاند کو د وی شەری دە 2 چه‌كدارێن وان ب ناڤێن زەینەپ ئۆزکانە و شاکر ئەردەمجی جانێ خوە ژ دەست دایە.

هپگیێ دەستنیشان کر کو زەینەپ ئۆزکانە و شاکر ئەردەمجی ل سالا 2014ان تەڤلی رەفێن په‌كه‌كێ بوونە.