پەکەکە و مەھەپە ب ھەڤ رە قاچاخچیتیا کۆچبەران دکن

نە تشتەکی ڤەشارتییە، د شەرێ 40 سالی دە پەکەکێ چ جاران ئێریشی مەھەپێ نەکریە و خوین ژ دفنا یەک ژ وان ژی نەئانیە. ل ئەورۆپایێ ژی پەکەکە و مەھەپە د بازرگانیا مادەیێن ھشبەر (نارکۆتیک) دە ب ھەڤ رە کار دکن. پەکەکە و مەھەپە ھەر چقاسی ھەڤدو وەک دژمن نیشان ددن ژی، د ئەساسێ خوە دە دۆست و ھەڤکارێن ھەری قەدیمن. دۆست و ھەڤکاریا وان ژی ل سەر تونەکرنا کوردان ھاتیا ئاڤاکرن.

د قاچاخچیتییا کۆچبەران دە دۆستانی و ھەڤکاریا پەکەکێ و مەھەپێ جارەک دن ئەشکەرە بوو. رۆژنامەڤان ئیسماعیل سایماز، دەرخست ھۆلێ کو کورێ رێڤەبەرێ مەھەپێ یێ ستەنبۆلێ ژ بەر کو لگەل ئەندامێن پەکەکێ قاچاخچیتیا کۆچبەران کریە، ھاتیە گرتن. رێڤەبرێ مەھەپێ ژی ئەڤ یەک پشتراست کریە و گۆتیە:  “رێخستنێ (پەکەکێ) کورێ من یێ مەزن خاپاندیە و ب کار ئانیە.”

نڤیسکارێ سۆزجویێ ئیسماعیل سایماز، نڤیسی کو توناھان ئادگووزەل، کورێ ئەندامێ لژنەیا پارێزگەھا ستەنبۆلێ یێ پارتییا فاشیست (مەھەپێ) گوڤەن ئادگووزەل، کو دەمەک بەرێ گۆتبوو من دەست ژ سیاسەتێ بەردایە، ژ بەر کو لگەل ئەندامێن پەکەکێ قاچاخچیتیا کۆچبەران دکە ھات گرتن.

سایماز، دیار کر کو بابێ ئادگووزەلێ مەھەپی بوویەر پشتراست کریە و گۆتیە کو، “رێخستنێ کورێ من یێ مەزن خاپاندیە و ب کار ئانیە”. سایماز د قونجکنڤیسا خوە دە بویەر ئانی زمان و گۆت:

“ل چاناککالەیێ تیمێن جەندرمە و ئەولەکاریا قەراخێ د 28 گولانێ دە ل سەر ئیخبارا تریاکێ چالاکی پێک ئانین. ل بەندەرا کومباگلارا ئایڤاجکێ 6 کەسێن کو 4 ژێ ترک و 2 ژی یەونانی نە ھاتن بنچاڤکرن. د کەشتیێ دە 11 کیلۆ و 900 گرام تریاک ھات بدەستخستن. ھەر وھا 10 گومانبارێن کو دخوەستن برەڤن دەرڤەیی وەلات و ژ بەر کوشتنا ب قەست، بریندارکرن، ئەندامەتیا پەکەکێ و بکارئانینا تریاکێ دھاتن لێگەرین ھاتن گرتن.”

د ڤر دە ژی خویا دکە کو ئەندامێن پەکەکێ و مەھەپێ ھەم د قاچاخچیتیا مرۆڤان دە (ب تایبەت قاچاخچیتییا کوردان دە) و ھەم ژی د بازرگانیا نارکۆتیکێ دە ب ھەڤ رە کار دکن و نەیارتیا وان یا سیاسی تەنێ خاپاندن و دەرەوە.

پشتی ئەشکەرەبوونا ڤێ بوویەرێ، ئەندامێ لژنەیا پارێزگەھا ستەنبۆلێ یا مەھەپێ گوڤەن ئادگووزەل راگھاند کو ژ پارتیا خوە ئیستیقالە کریە.