وەزارەتا دەرڤەیا ئامەریکا پشتراست کر کو هەسەدە بەردەوامە د تەجنیدکرن و بکارئانینا زارۆکان د شەری دە.
وەزارەتا دەرڤەیا ئامەریکا دوهی رۆژا دوشەمبێ 24/6/2024 د راپۆرتا خوە یا تایبەت دە دەربارێ قاچاخچیتیا مرۆڤان دە گۆت کو ھێزێن سووریا دەمۆکراتیک سۆزا پابەندبوونا ب بریارێن نەتەوێن یەکگرتی بۆ راوەستاندنا لەشکەرکرن و بکارئانینا زارۆکان دایە، لێ رێخستنەکا ناڤدەولەتی یا کو ل ھەرێمێ کار دکە پشتراست کر کو ھێزێن سووریا دەمۆکراتیک د سالا 2022 و 2023 دە ژی لەشکەرکرنا زارۆکان بەردەوام کریە.
وەزارەتا دەرڤە یا ئامەریکا گۆت ژی کو تەڤگەرا “جوانێن شۆرەشگەر” یا گرێدایی هەسەدێ بەردەوامە ل سەر لەشکەرکرنا زارۆکان، ب تایبەتی “کەچێن” د بن 12 سالیێ دە، ب رێیا خاپاندنا وان و ب زۆرێ لەشکەرکرنا وان د ناڤ پێکھاتەیێن جوانێن توندرەو دە.
هەر وەها راگهاند، تەڤگەرا “جوانێن شۆرەشگەر” د بن ناڤێ “کورسێن پەروەردەیێ” دە ل ھەموو ھەرێمێن د بن کۆنترۆلا هەسەدێ و رێڤەبەریا پەیەدێ دە زارۆکان دخاپینە و ب دارێ زۆرێ وان چەکدار دکە.
راپۆرا ئامەریکی دیار کر کو، ژ بلی هەسەدێ و تەڤگەرا جوانێن شۆرەشگەر، زارۆک ژ ئالیێ یەکینەیێن پاراستنا گەل و یەکینەیێن پاراستنا ژنێ ڤە ژی تێن لەشکەرکرن و ل قەندیلێ پەروەردەیا لەشکەری دبینن.
وەزارەتا دەرڤەیا ئامەریکایێ، سووریا د ناڤا 13 وەلاتێن ھەری خرابێن بازرگانیا مرۆڤان دە ل جیھانێ ب ناڤ کر، وەلاتێن د لیستەیا رەش دە راستەراست ب قاچاخچیتیا مرۆڤان تێن سووجدارکرن ئەڤن: (ئەفغانستان، بیلارووس، میانمار، چین، کوبا، ئەریتریا، کۆرەیا باکور، ئیران، سووریا، رووسیا، سوودانا باشوور، سوودان و ترکمەنستان).
