د ئێریشەکە ئیسرائیلێ یا ل سەر دەردۆرا شامێ دە، 3 کەس هاتن کوشتن و 11 کەسێن دن ژی بریندار بوون.
رەوانگەها سووری بۆ مافێن مرۆڤان بەلاڤ کر، ئیسرائیلێ شەڤا بۆری ب مووشەکان ناڤەندەکە خزمەتگوزاریێ یا حزبوللاها لبنانی ل دەردۆرا شامێ کرە ئارمانج.
ل گۆری هەمان چاڤکانیێ، د ئەنجاما ئێریشێ دە 3 کەس هاتن کوشتن کو د ناڤ وان دە پیرەژنەک هەبوو و 11 کەسێن دن ژی بریندار بوون. هەروها زیانێن مادی گهیشتن ئاڤاهی و ئۆتۆمۆبیلێن ل وێ ناڤەندێ.
ژ ئالیێ خوە ڤە ئاژانسا «سانا» یا سووری یا فەرمی بەلاڤ کر، ئیسرائیلێ شەڤا بۆری دەمژمێر 23:40 ژ ئالیێ گۆلانێ ڤە چەند خال ل باشوورێ وەلات مووشەکباران کرن و سیستەما وان یا بەرەڤانیێ رووبروویی مووشەکان بوو و هەژمارەک ژێ خستن خوارێ.
دا زانین ژی، د ئەنجاما ئێریشێ دە، 2 کەسێن سڤیل هاتن کوشتن و و چەکدارەکی ژی بریندار بوو. هەرونا هن زیانێن مادی چێبوون.
