کۆمسیۆنا ھەلبژارتنێن ئیراقێ ژ بۆ جارا دویەم دەست ب وەرگرتنا پەنجەمۆرا دەنگدێران دکە

 کۆمیسیۆنا بلندا ھەلبژارتنێن ئیراقێ ژ بۆ 10 رۆژان دەست ب وەرگرتنا پەنجەمۆرا وان کەسێن کو ژ بەر پرسگرێکێن تەکنیکی نەکارین دەنگ بدن دکە.

ل گۆر زانیاریان سبە 1/7/2024 کۆمیسیۆنا ھەلبژارتنێن ئیراقێ دەست ب وەرگرتنا پەنجەمۆرا وان دەنگدێرێن کو پرسگرێکا نەخواندنا پەنجەمۆرا وان ھەبوو کو نێزیکی 400 ھەزار دەنگدێرن دکە و بریارە 10 رۆژان دەریێ تۆمارا بایۆمەتریک بۆ وان کەسان بێ ڤەکرن.

ھێژایی گۆتنێیە چارەسەرکرنا پرسگرێکا پەنجەمۆرا دەنگدێران، یەک ژ تێبنیێن پەدەکێ یێن دەربارێ پرۆسەیا ھەلبژارتنێن پارلامەنتۆیا کوردستانێ بوو.