وەزارەتا دەرڤە یا ئامەریکایێ هایدارینامەیەک ئاراستەیی وەلاتیێن خوە کریە، داخوازێ ژێ دکە کو سەردانا 19 وەلاتان نەکن، کو ئیراق ژی یەک ژ وان وەلاتانە.
وەزارەتا دەرڤە یا ئامەریکایێ د راگەهاندنەکێ دە هایداری دایە وەلاتیێن خوە کو خوە ژ گەشتکرنێ ژ بۆ 19 وەلاتان بپارێزن، کو شەش ژ وان وەلاتێن عەرەبینە و ئیراق ژی یەک ژ وان وەلاتانە.
ل دووڤ وێ لیستا کو وەزارەتا دەرڤە یا ئامەریکایێ پارڤە کریە، ژ بەر هەبوونا گەفان و مەترسیا تەرۆرێ، رەڤاندن و مەترسیا ل سەر ژیانا وان، نابە وەلاتیێن ئامەریکایێ سەردانا ئیراق، لیبیا، سووریە، سۆمال، یەمەن و سوودانێ بکن.
وەزارەتا دەرڤە یا ئامەریکایێ هەر د وێ لیستێ دە هایداری دایە وەلاتیێن خوە و وان هشیار دکە کو سەردانا ئیران، بیلارووس، رووسیا، ئەڤگانستان، کۆریا باکور، ئوکراینا و ڤەنزوێلایێ ژی نەکن.
ژ بەر بەردەوامیا شەرێ غەززەیێ و گەفێن لەشکەرکێشیا ئیسرائیلێ ژ بۆ باشوورێ لبنانێ، ئالۆزیێن رۆژهلاتا ناڤین مەترسیدارتر بوونە. بەری دو رۆژان بەرەیێ مقاوەمەیێ یێ ئیسلامی ل ئیراقێ گەفێن دەستپێکرنا ئێریشان ژ بۆ سەر هێزێن ئامەریکایێ و بەرژەوەندیێن وی وەلاتی ل ئیراقێ راگەهاند.
