مەسعوود پزیشکیان وەک سەرۆکێ نوویێ ئیرانێ ھات ھلبژارتن

ئەنجامێن داوی یێن گەرا دویەما ھلبژارتنێن سەرۆککۆماریا ئیرانێ ھاتن راگھاندن و مەسعوود پزیشکیان وەک سەرۆککۆمارێ کۆمارا ئیسلامی یا ئیرانێ ھات ھلبژارتن.

پرۆسەیا دەنگدانێ یا گەرا دویەما ھلبژارتنا سەرۆککۆمارێ نوویێ ئیرانێ دوھی 5 تیرمەھێ ل ناڤخوە و دەرڤەیا ئیرانێ ھاتبوو کرن و مەسعوود پزیشکیان و سەید جەلیلی د ڤێ گەرێ دە ھەڤرکی دکرن.

رێژەیا بەشداریێ د گەرا دویەمینا ھلبژارتنێن پێشوەخت یێن سەرۆککۆماریا ئیرانێ دە، %49.8 بوو. وەزارەتا ناڤخوەیا ئیرانێ ژی راگھاند، پزیشکیان دۆرا ژ %55ێ دەنگان ب دەست خستیە.

مەسعوود پزیشکیان ژ ئەنیا رەفۆرمخوازان 16 ملیۆن و 384 ھەزار و 403 دەنگ بدەست خستن. سەید جەلیلی یێ ئەنیا موحافازکاران ژی، 13 ملیۆن و 538 ھەزار و 179 دەنگ بدەست خستن.