تهنگاسیێن رێڤهبهرییا پهكهكێ و لهههنگێن زیندانا ئامهدێ
![Tengasiyên rêveberîya PKKê](https://darkamazi.net/file/2024/07/Tengasiyen-reveberiya-PKKe-Net.jpg)
پشتى تێكلییا من ب كوردێن باشوور ره ل ئهورۆپایێ، ههڤال زهحف چێبوون، جارانا مه ب ههڤره خوارن دخوار، د روونشتن، دهر بارێ ژیانێ نیقاش د كرن، تشتێ کو بالا من کشاند ئەوە کو کوردێن باشوور پر هەز ژ هەنەکان دکن و پرانیا پێکەنۆکێن وان ل سەر چالاکیێن سەکسی و ژنانن، یهك ژێ ئهڤه:
«جارەکێ ژنەکێ 10 جاران و خوشکا وێ تەنێ جارەکێ زەوجی بوو، خوهدییا 10 زهواجا جارنا ل جڤاتان د ئاخڤی وێ دگۆ: ئهز و خوشكا خوه 11 جارا زهوجینه، خوشكا كو جارهكێ زهوجی ژێ ره دگۆ: خوشكێ ئهز جارهكێ زهوجی مه قهی چما من دكی شریكا خوه، خوشكا 10 زهواجا ووسا بهرسڤ دا: ژ بهركو ئەم خوشکن و خوەدیێ دێ و باڤەکینە!».
من چما ئهڤ چیرۆك ئانی:
ئەز دبینم کو دەما رێڤەبەرییا پهكهكێ ژ هەر ئالی ڤە دكهڤه تەنگاسیێ، ههر راست تێن و مژارا لەهەنگێن زیندانا ئامەدێ «مهزلووم دۆغان، فرهات كورتای، ئهشرهف ئانیك، محموود زهنگین، نهجمی ئۆنهر، خهیری دورموش، كهمال پیر، عاكیف یلماز، عهلى چیچهك» تینن زمان.
دەما پارتیا کارکەران چیرۆکا ڤان لەهەنگان ڤەدبێژە، چیرۆکا کوردێن باشوور تێ بیرا من: «ئەز و خوشکا خوە 11 جارا زەوجین».
راستە لەهەنگێن زیندانا ئامەدێ ئەندامێن پارتیا کارکەران بوون، لێ چما وان جانێ خوە فەدا کر؟ پهكهكه نها چ دخوازه؟ قهی ئارمانجا وان لههنگان و یا وه یهكه؟
ئهم ب كورتاسی بهرسڤا ڤان پرسان ددن:
درووشما ڤان لەهەنگان «بەرخوەدان، ژیانه، تەسلیمیەت مرنە» بوو، لێ سەرۆکێ وە یێ کو هوون وی وهكه خوەدێ ناس دکن، دبێژە: «دیا من ترکە، ئەز ئامادە مە کو ببم مقاولێ دەولەتا ترک ژ بۆ وێرانکرنا مالا بارزان، تالەبانی و هەولێرێ».
ل زیندانا ئامەدێ دەولەتێ خوەست ب دارێ زۆرێ درووشما «ئەم ترکن، تركیه یەک ئال، یەک زمان و یەک وەلاته» ب گرتیێن كورد بده گۆتن، لێ وان لهههنگان ئهڤ یێك قهبوول نهكر و ل شوونا گۆتنا ڤێ درووشمهیێ، وان بریار دان جانێن خوه فهدا بكن.
لۆما ژی مهزلووم دۆغان خوه دارڤهكر، ئانگۆ تام بهرهڤاژێ وێ یا كو ئهڤ 40 سالن هوون د گۆهێ گهل ده دبێژن كو دۆغان خوه شهوتاندیه و گۆتیه: «بهرخوهدان ژیانه».
پشتره د نەورۆزا 1982ان دە «فەرهات کۆرتای، ئەشرەف ئانیک، ماهموود زەنگین و نەجیم ئۆنەر» ئاگر بەردانه خوه و گۆتن بەرخوەدان ژیانە و تەسلیمیەت مرنە.
هەڤالێن وان یێن دن ژی ژ بۆ كو ئارمانجا خوه نهگوههرینن، بریارا گرهڤا برچیبوونێ دان و وان ژی جانێ خوه ووسا فهدا كرن.
لێ ئیرۆ هوون دبێژن نەتەوپەرەستی و دەولەتا کوردی پاشڤەروویە، ئەم دەولەتا کوردی ناخوازن، دەمۆکراتبوونا گەلان دخوازن، ئەم دخوازن میساقا مللی یا ترکیەیێ وەرە ڤەگەراندن، کەمال ئاتاتورک ژ بۆ کوردان مرۆڤەکی پر باش بوو و ئەم سووریەیەکە یەکبوویی دخوازن و هوون هەڤالێن ستراتەژیک یێن پارتیا بەعسا ئیراقێ بوون و نها هوون بوونە بەشەک ژ حهشدا شەعبی و دیسا بوونە نۆبەدارێن سینۆرێ دەولەتا ئیرانێ. ب كورتاسی، نها هەموو تەکۆشینا وە ژ بۆ تاسفیەکرنا دەستهلاتداریا کورد ل باشوورێ کوردستانێ یه.
ل داویێ ئهم ژ رێڤهبهرییا پهكهكێ ره دبێژن: هوون دزانن ههگهر لههنگێن زیندانا ئامهدێ جارهكه دن وهرن دنێ و ساخ ببن وێ چ لهعنهتهكێ ل وه بكن، وێ چ قاس وه روو رهش و شهرمهزار بكن.
لۆما ژی دڤێ هوون ناڤێ لهههنگێن زیندانا ئامهدێ نهخن سهر زمانێ خوه، ژ بهر كو پێلاڤێن وان لهههنگان ژ سهرێ رێبهرێ وه یێ ترسنۆك و خائین ب قیمهترن.