جارەکە دن ئێریشی سەر بنگەها ئاسمانی یا عه‌ین ئەسەدێ ل رۆژئاڤایێ ئیراقێ تێ کرن، بێ کو چ زرارێن جانی ژێ پەیدا ببن.
ئاژانسا رۆیته‌رزێ و مەدیایا ئیراقی پارڤە کریە کو، شەڤێدی (سێشەم، 16.07.2024) ب رێیا درۆنا بۆمبەکری ئێریشی سەر بنگەها ئاسمانی یا عه‌ین ئەسەدێ هات کرن.
زانیاران ئاماژە دایە کو، ئەو ئێریش ژ ئالیێ مقاوەمەیا ئیسلامی ڤە ل ئیراقێ هاتیە کرن لێ چ زرارێن جانی ژێ پەیدا نەبوونە.
بنگەها ئاسمانی یا عه‌ین ئەسەدێ دکەڤە پارێزگەها ئەنبارێ ل رۆژئاڤایێ ئیراقێ، هێزێن ئامەریکایێ ل وێ بنگەهێ هاتنە بنەجهکرن و پێشتر کۆمێن ب سەر مقاوەمەیا ئیسلامی ڤە چەند ئێریش کرنە سەر وێ بنگەهێ.
