رێخستنا چەتە یا ب ناڤێ “جوانێن شۆرەشگەر”یا گرێدایی پارتیا کارکەرێن کوردستانێ 2 زارۆکێن دن یێن تەمەن بچووک ژ رۆژئاڤا کوردستانێ ب ئارمانجا تەڤلیکرنا ناڤا رەفێن پەکەکێ دە رەڤاندن.
ل گۆر ئاگاهیان، جوانێن شۆرەشگەر زارۆکا ب ناڤێ فیدان حسێن بلو تەمەن 14 سالی، شێنیا گوندێ خەلالکێ یا سەر ب ناڤچەیا بلبل یا عەفرینا رۆژئاڤایێ کوردستانێ ب ئارمانجا لەشکەرکرنا نەچاری د ناڤ رەفێن پەکەکێ دە رەڤاند.
هەر وەها چەتەیێن پەکەکێ یێن ب ناڤێ “جوانێن شۆرەشگەر” کەچا ب ناڤێ لەیلا حەنان مووشوو یا 14 سالی ل گوندێ ئەل-ئەحداس یێ گرێدایی ھەرێما شەھبا رەڤاند.
لەیلا تەڤی مالباتا خوە ژ گوندێ قەرتقالقێ ناڤچەیا بولبولێ یا عەفرینێ کۆچبەر بوونە.
تەڤی کو ھەسەدێ د خزیرانا 2019 دە لگەل نەتەوێن یەکگرتی پلانەک ژ بۆ بداویکرن و قەدەغەکرنا تەڤلیکرنا زارۆکان د ناڤا چەکداران دە ئیمزە کربوو. لێ ژ دەما کو پەیمان ھاتیە ئیمزەکرن ڤە، رەوشا رەڤاندنا زارۆکان بداوی نەبوویە.
مالباتێن زارۆکێن رەڤاندی ژی کریارێن تەڤگەرا جوانێن شۆرەشگەر شەرمەزار دکن و بانگ ل رێخستنێن کو گرینگیێ ددن مافێن زارۆکان، رێخستنێن ناڤدەولەتی و ئالیێن پێوەندیدار دکن کو فشارێ ل رێڤەبەریا خوەسەر و ھەسەدێ بکن تا کو چارەنڤیسا زارۆکێن وان دیار بکن.
