د ئۆپه‌راسیۆنه‌كێ ده كو سازییا ئیستخباراتێ یا ده‌وله‌تا ترك ئه‌نجام داییه، دو كادرۆیێن هه‌والگیرییا رێخستنا په‌كه‌كێ هاتن ده‌سته‌سه‌ر كرن.
ل گۆری ئاگاهیێن كو ئاژانسا ئه‌نادۆلویێ ئیرۆ رۆژا پێنجشه‌می 18\7\2024ێ پارڤه‌كرنه، د ئۆپه‌راسیۆنه‌كه میتێ ده كو ل باژارێ سته‌نبۆلێ ئه‌نجام داییه، هه‌ردو كادرۆیێن ئیستخباراتا په‌كه‌كێ سادق تۆپالۆگلو ب ناڤێ كۆد خه‌لیل و هه‌ر وها مه‌همه‌ت ساڤاش هاتن ده‌سته‌سه‌ر كرن.
هات تەسبیتکرن کو تۆپالۆگلو چوویە قەندیلێ و ل ور پەروەردەیا ئیستخباراتێ هلدایە، وێ دەمێ ژی ب جەمیل بایکێ هه‌ڤسه‌رۆكێ كه‌جه‌كێ را هەڤدیتن کریە.
هه‌ر وها هات راگهاند كو سادک تۆپالۆگلو پشتی کو ل ترکیەیێ هاتیە وەزیفەدارکرن د بن ناڤێ “رۆژنامەگەریێ” دا ژ بۆ رێخستنا په‌كه‌كێ ئاگاهی بەرهەڤ کرنە، ب مەهمەت ساڤاش را ل سەر ناڤێ رێخستنێ خەباتێن ئابۆریێ پێک ئانیە و ل سەر شرکەتێن دەرەقانوونی ژ ئەندامێن رێخستنێ یێن ل سووریەیێ را مەلزەمە پەیدا کرنە.
ژ بەر سووجێ ئەندامتیا رێخستنا تەرۆرێ تۆپالۆگلو و ساڤاش شاندن گرتیگەهێ.
