ئیسرایلێ ئێریشەکا ئەسمانی ل ھەمبەر حوسیێن یەمەنێ ئەنجامدا

ئیسرایلێ ل بەندەرا حودەیدە یا ل پەراڤێن بەحرا سۆرا یەمەنێ ل ھەمبەر جیھێن لەشکەری یێن حوسیێن کو ئیران پشتەڤانیا وان دکە ئێریشەکا ئەسمانی پێکانی.

چاپەمەنیا ئیسرایلێ ژی راگەھاند، جارا یەکەمە ئیسرایل راستەراست ئێریشێکی ل یەمەنێ دکە. و ل گۆر تەلەڤیزیۆنا حوسیێن یەمەنێ یا ئەل مەسیرە ژی د ئەنجاما ئێریشێ دە کوشتی و بریندار ھەنە.

ژ ئالیێ دن ڤە وەزیرێ بەرەڤانیا ئیسرایلێ یۆاڤ گالانت، راگەھاند: “بەردێلەکا خوینا ھەموەلاتیێن ئیسرایلێ ھەیە. ئەڤ ل لوبنان ژی، ل غەززە ژی، ل یەمەنێ و ل جیھێن دن ژی ھات نیشاندان. یێن کو وێرەکیا وان ھەبە ئێریشی مە بکن دێ ئەنجامێن وێ وھا بە.”

سەرۆکێ پارلامەنتۆیا ئیسرایلێ عامر ئۆھانا ژی راگەھاند؛ “ئەڤ ژ بۆ ھەموو رۆژھلاتا ناڤین پەیامە.”

ھەروھا بەردەڤکێ لەشکەری یێ حوسیان یەحیا سەری ژی راگەھاند، دێ ل ھەمبەر ئێریشا ل سەر باژارێ ھودەیدە پێکھاتیە بەرسڤا وان ژی ھەبە و گۆت: “وەکی مە د داخویانیا خوەیا بەری نھا دە ژی گۆتبوو، تەل ئەڤیڤ ئێدی نە جیھەکی ب ئەولەیە.”