سەرۆکێ گشتی یێ پارتیا نیشتیمانی دۆغو پەرینچەک د داخوویانیەکا خوە دە گۆت: ئەگەر جەهەپە 90 ژ سەدێ یا دەنگان ب دەست بخە ژی نکارە ببە دەستھلات. ئالیکارێ سەرۆکێ کۆما جەهەپێ د پارلەمەنتۆیێ دە عەلی ماھر بەشار بەرتەک نیشانی داخویانیا پەرینچەک دا و گۆت: “ھوونێ جھێ خوە بزانبن!” دەما کو ھوون ناڤ و ئیرادەیا پارتیا مە و دەنگدەرێن وەلاتێ مە بینن زمان ھوونێ نە جارەکێ، ھەزار جاران بفکرن.
پەرینچەک د وەشانا زندی یا فلاش تیڤی دە ئیدیعا کر کو شانسێ جەهەپێ تونەیە کو ببە دەستھلاتدار و گۆت، “جەهەپە نکارە ببە دەستھلاتدار. گەر بخوازە دکارە 90 ژ سەدێ یا دەنگان ب دەست بخە. ئەو نە دکارە ببە دەستھلاتدار و نە ژی دکارە وەلاتی رێڤەببە. ژ بۆ کو جەهەپە ببە دەستھلاتدار، دڤێت دەولەتێن یەکبوویی یێن ئەمەریکایێ ئێریشی ترکیەیێ بکە. ئەگەر گەل هاتبانە خاپاندن و دەنگ دابانە ژی، نە ئارتێش و نە ژی پۆلیس رازی نابن.”
ئالیکارێ سەرۆکێ کۆما جەهەپێ عەلی ماھر بەشار ل سەر پلاتفۆرما X بەرسڤ دا داخویانیێن پەرینچەک.
بەشار بەرتەک نیشانی داخویانیێن پەرینچەک دا و وھا گۆت:
“بێدەنگ بە، جھێ خوە ناس بکە”
“کەسێ بێشەرم یێ ب ناڤێ دۆغو پەرینچەک کو ڤینا خوە ب بارمەتە دایە حکوومەت و ئالیگرێن وێ، ژ ئالیێ سیاسی ڤە مەژیێ وی مرییە و ئەحمەقەکی سیاسییە؛ د دەربارێ پارتیا مە دە ھەڤۆکێن پووچ بکار ئانین.
ھوونێ جھێ خوە بزانبن! دەما ھوون ناڤ و ئیرادەیا پارتیا مە و دەنگدەرێن وەلاتێ مە بینن زمان، ھوونێ نە جارەکێ، ھەزار جاران بفکرن!
پەتیلەیا چرایێ قەندیلێ، دەڤێ خوە بگرە، جھێ خوە بزانە، تو بێ روومەتی…
