سەرۆک کۆمارێ ئامەریکایێ و کاندیدێ سەرۆکۆماریێ یێ پارتیا دەمۆکرات جۆ بایدن راگھاند کو وی دەست ژ بەربژێریا سەرۆکاتیا ئامەرکایێ بەردا و ئەو دێ وەک بەربژێرێ سەرۆکاتیێ پشتگریێ بدە جیگرا خوە کامالا ھاڕیس.
بایدن ب نامەیەکێ کو ل سەر حەسابا خوە یا مەدیایا جڤاکی راگھاند بریارا کو وی 4 مەھان بەریا ھلبژارتنێ دایە “ژ بۆ باشیا پارتی و وەلاتێ وییە.”
بایدن دیار کر کو ل ئامەریکایێ د 3.5 سالێن داوین دە کو وی سەرۆکاتی دکر پێشکەتنەکا مەزن چێبوویە و وھا گۆت: “مە دەمۆکراسیا خوە پاراست .”
بایدن دیار کر کو ئەڤ شانازیا وی یا ھەری مەزن بوو کو وەک سەرۆکێ ئامەریکایێ کار کر و گۆت، “من نیەت کر کو جارەکە دن ببم بەربژێر، لێ من بریار دا کو ل سەر ناڤێ پارتیا خوە و وەلاتێ خوە ڤەکشم باشترە. ” ژ بۆ دەما مایی، ئەز دێ تەنێ ل سەر ئەرکێن خوە یێن وەکی سەرۆک بسەکنم.”
بایدن دیار کر کو ئەو دێ د رۆژێن پێش دە دەربارێ بریارا خوە دە ژ بۆ رایا گشتی باخڤە و ژ بۆ “ھەڤکاریا وێ یا ئاوارتە” سپاسیا جیگرا سەرۆکی کامالا ھاڕیس ژی کر.
بایدن سپاسیا باوەریا گەلێ ئامەریکایێ کر و گۆت، “ھەیا کو ئامەریکا یەکگرتی بە، تشتەکی کو نکاربە ب دەست بخە تنە.”
