دو كه‌چێن دن یێن كوردان بوون قوربانیێن شه‌رێ بێ ئه‌نجامێ پارتیا كاركه‌ران

رێخستنا په‌كه‌كێ ناسنامه‌یا 2 چه‌كدارێن خوه‌ یێن كه‌چ راگهاند 10 رۆژا به‌رێ كه‌تنه‌ به‌ر ئێریشێ ده‌وله‌تا ترك و ژیانا خوه‌ ژ ده‌ست دانه‌.

هه‌په‌گێ باسكێ له‌شكه‌ری یێ په‌كه‌كێ ئیرۆ رۆژا پێنجشه‌مێ 25\7\2024 ناسنامه‌یا 2 چه‌كدارێن خوه‌ یێن كه‌چ ئه‌شكه‌ره‌ كر كو ل 16 تیرمه‌ها ئیسالێ ل وانێ یا باكورێ كوردستانێ كه‌تنه‌ به‌ر ئێریشێن ده‌وله‌تا ترك و ژیانا خوه‌ ژ ده‌ست دا نه‌.

ئه‌ڤ 2 كه‌چێن كو په‌كه‌كێ به‌رێ وان دایه‌ مرنێ، ب ناڤێن وه‌سلا بشار و دیلان حه‌سه‌ن تێن ناس كرن و ژ وانێ نه‌، رێخستنێ ئه‌و وه‌كه‌ ب هه‌زاران كه‌چێن دن یێن كوردان خاپاندن و ب ناڤێ به‌رخوه‌دانێ به‌رێ وان دا مرنێ.

رێخستنا په‌كه‌كێ هه‌ر رۆژ وێنه‌یێن كۆمێن كه‌چ و جوانێن كوردان به‌لاڤ دكه‌ یێن كو د سالێن به‌رێ ده‌ فه‌دا كرین و پاش ده‌رباسبوونا ده‌مه‌ك درێژ ژ نوو ڤه‌ مرنا وان ئیلان دكه‌، تێ ته‌خمین كرن ب هه‌زاران جوانێن كورد مابن كو هێژان په‌كه‌كێ ناسنامه‌یا وان ئیفشا نه‌كربه‌.