وەزیرێ ناڤخوەیی یێ ترکیێ عەلی یەرلیکایا، د مەجلیسێ دە بەرسڤا پرسێن پەرلەمانتەرێن پارتیا دەمێ دا و ل سەر گەلەک مژاران ئاخڤی. ژ گرتنا خۆرتێن کوردێن ل باژارێ مەرسینێ ھەتا گرتنا شارەدارێ جۆلەمێرگێ، بەرسڤا پرسان دا.
یەرلیککایا، د ئاخاڤتنا خوە دە بەحسا شەرێ ل دژی پەکەکێ ژی کر و گۆت کو د ھەیاما کابینەیا وانا ھەتا 22 تیرمەھێ 1093 تەرۆریستێن پەکەکێ-کەجەکێ ھاتنە کوشتن.
یەرلیککایا، دا زانین کو د دەما وان دە تەڤلێبوونا پەکەکێ ژ ھەموو دەمان پێتر کێم بوویە و تەنێ 56 کەس تەڤلی رەفێن پەکەکێ بوونە.
یەرلیککایا، دا زانین کو د دەما وان دە 174 چالاکی، کو 130 ژ وان ئێریشێن بۆمبەیی بوون، ئاستەنگ کرنە. یەرلیککایا ھەروەھا گۆت کو وان ھەتا ئیرۆ 642 رێخستنێن تاوانێن رێکخستی یێن ناڤنەتەوی، نەتەوی و ھەرێمی ھلوەشاندنە، 4 ھەزار و 321 کەس گرتنە، 2 ھەزار و 272 د بن کۆنترۆلا عەدلی دە نە و 106 ملیار لیرە دەستەسەر کرنە.
یەرلیککایا، ھەروەھا دیار کر کو وان 526 کەسێن د لیستەیا سۆر دە گرتنە و گۆت: “مە 35 ھەزار و 695 کەس ژ بەر ھلبەرین و بازرگانیا تریاکێ، 1093 ژی ژ بەر بکارئانینا تریاکێ گرتن. د ناڤ کۆنترۆلا عەدلی دە ئەڤ ھەژمار ژ 50 ھەزاری دەرباس بوو. د گرتیگەھان دە 345 ھەزار کەس ھەنە. ژ وان 112 ھەزار ژ بەر تریاکێ نە”.
