سەرۆککۆمارێ ترکیێ رەجەب تەییب ئەردۆگان د ئاخاڤتنا خوەیا دۆھ دە بەرتەکێن توند نیشانی ئێریشێن ئیسرایلێ یێن ل سەر کەرتێ غەززەیێ دا و گۆت: “چاوا کو ئەم کەتن قەرەباخ و لیبیایێ ئەم دێ ھەمان تشتی ل وان ژی بکن. تشتەکی کو ئەم نکارن بکن تونەیە.”
وەزیرێ کارێن دەرڤە یێ ئیسرایلێ ئیسرائیل کاتز، د داخویانیا خوەیا ل سەر حەسابا خوە یا مەدیا جڤاکی دە، داخویانیێن سەرۆککۆمار ئەردۆگان رەخنە کر و گۆت:
“ئەردۆگان ل سەر شۆپا سەدام حوسەیین دمەشە و گەفا ئێریشێ ل ئیسرایلێ دخوە. بلا ئەو بینە بیرا خوە ل ور چ قەومی و چاوا ب داوی بوو”.
ل سەر گۆتنێن وەزیرێ کارێن دەرڤەیێ ئیسرایلێ، ئالیکارێ سەرۆککۆمار جەودەت یلماز، کارڤەدان نیشانی گۆتنێن کاتز یێن ل ھەمبەری ئەردۆگان دا و ل سەر حەسابا خوە یا مەدیا جڤاکی نەرازیبوونا خوە نیشان دا.
